Dekurpakki í boði BIOEFFECT.

Eftir sturtu eða bað skaltu þurrka þér og vefja laufléttu og mjúku microfiber hárhandklæðinu eins og hettu utan um blautt hárið. Snúðu varlega upp á handklæðið, dragðu það aftur fyrir hnakka og festu teygjuna.

Handklæðið er létt og mjúkt, þurrkar hratt og fer betur með hárið en hefðbundin bómullarhandklæði. Mjúkar örtrefjar draga raka hratt til sín og gera hárið síður úfið. Hárhandklæðið er sérstaklega hentugt fyrir krullað eða liðað hár þar sem það kemur í veg fyrir flækjur og slitna enda á sama tíma og það viðheldur náttúrulegri lögun liðanna.

Þegar þú hefur komið handklæðinu fyrir á höfðinu skaltu bera EGF Day Serum á andlit og niður á háls. Nýttu tækifærið og gefðu þér róandi andlitsnudd í leiðinni – Þrýstu vörunni þétt en mjúklega inn í húðina með hringhreyfingum upp á við.

EGF Day Serum er létt og olíulaust serum sem inniheldur EGF úr byggi – endurnærandi og rakabindandi prótín sem örvar náttúrulega kollagenframleiðslu og heldur húðinni sléttri og heilbrigðri. Fyrirbyggir og vinnur á ásýnd fínna lína og hrukka, veitir mikinn raka og jafnar húðlit. Gelkennd áferðin gerir húðina silkimjúka og slétta – fullkominn grunnur fyrir farða!